في الليل مليح نحاجيو .
*****************؟يحكيلي جدي ( ربي يرحمو) ، على واحد كان معروف بالفخفخة والزميط ،كانت عندو ( قطعة شحمة ) يدهن بها لحيتو كل صباح باش كي يخرج أمام لجماعة يقولو افطر بلحم ( الله يبارك ).
واحد المرة المغبون نسا ما خباش الشحمة أو خلاها على الكانون ، جات القطة كلاتها .
جا أوليدو يجري ليه أو هو مع جماعتو ، قاللوا : بابا الشحمة اللي كنت تدهن بها لحيتك : أكلاها القط .
وبالتالي بان حالو قدام جماعتو .
هادي راهي محاجيا انتاع زمان بكري .
